በኢትዮጵያ ውስጥ ከእይታ ተደብቀው የሚኖሩ በሚሊዮን የሚቆጠሩ ኤልጂቢቲኪው+ ኢትዮጵያውያንን እና ሌሎች አፍሪካውያንን ሕይወት እና የሚመለከቷቸውን ጉዳዮች በመሸፈን ህይወት ለመዝራት እንጥራለን። ለአንባቢያን፣ ከቁም ነገር አዘል ዜናዎች እስከ ትኩስ ዘገባዎች በማድርስ፣ በዋናው የኢትዮጵያ ሚዲያ የማይታሰበውን፣ ራሳቸውን ሙሉ በሙሉ በሚያንፀባርቅ እና እውነተኛ በሆነ መልኩ ተወክለው እንዲያዩ እድል እንሰጣቸዋለን። ለፀሐፊዎች ደግሞ፣ በቅርበት በሚያውቁት ነገር ግን ብዙ ጊዜያት የማንነታቸውን ጉልህ ገፅታ በሚያደበዝዝው ቋንቋ በነጻነት እና ያለ አንዳች ይቅርታ ሃሳባቸውን የሚገልጹበት መንገድ አቅርበናል። ይህን ልዩ ማህበረሰብ የገነቡት ሰዎች የራሳቸው ታሪክ ደራሲና ዋና ገፀ-ባህሪያት መሆን ይገባቸዋል - እናም አሁን መሆን ይችላሉ።

የፋጤ ተልእኮ፣ ዝም ለማስባል ያለማሰለስ ጥረት እየተደረገበትም ቢሆን፣ ድምፁን ቀስ በቀስ ለማግኘት እየጣረ ያለውን ማህበረሰብ ማሳወቅ፣ ማነሳሳት እና ማበረታታት ነው። ታሪካዊ ዘገባዎች እና ጋዜጠኝነት የግንዛቤ ማስጨበጫ ዘዴዎች ሊሆኑ እንደሚችሉ እናምናለን። የኤል ጂ ቢ ቲ ኪው+ ኢትዮጵያውያንና ሀበሻ ዲያስፖራዎችን ሰብዓዊ መብቶች ማስከበር እና ማስጠበቅ እሳቤ በማድረግ ግንዛቤን እናሳድጋለን፣ ደንቦችንና ወጎችን እንፈትሻለን፣ እይታን እናሳድጋለን፣ ተቀባይነትን እናጎለብታለን፣ ውይይትን እናነሳሳለን፣ አጋሮችን ለመሳብ እና አንድነትን ለማጎልበት እንጥራለን። የእኛ ትኩረት ለዚህ ልዩ ማህበረሰብ ነው። ነገር ግን፣ ስለ ማህበረሰቡ እና በማህበረሰቡ ዙርያ በሚዘገቡ ታሪኮች፣ በአፍሪካ ቀንድ ክልል ውስጥ የሚገኙት ብዙሃን ተመልካቾችን አእምሮ ለመክፈት እና ልብ ለማሸነፍ እንደሚረዳም ተስፋ እናደርጋለን። በዚህ ክልል ያለውን የተቃውሞ መጠን ግምት ውስጥ እያስገባን፣ አብዛኛው የማህበረሰብ ክፍል ፋጤን፣ በመካከላቸው ለሚኖረው ለዚህ ንቁና ደማቅ የኤልጂቢቲኪው+ ማህበረሰብ የመተዋወቂያ መንገድ አድርገው እንዲመለከቱት ተስፋችን ነው። ይህም የተዳፈነውን ማህበረሰብ በማንቀሳቀስ በውስጡ የታቀፉትን ግለሰቦች ሰብአዊነት ማጎናፀፍ ነው።

ውሎ አድሮ ወደ መፅሄታችን እግር ጥሎአቸው የሚመጡትን አንባቢዎች፣ በፆታዊ ተማርኮውችን እና የሥርዓተ-ፆታ መለያዎቻቸው ምክንያት፣ ሰዎች ላይ የሚሰነዘሩ ጎጂ መላምቶችን ለመከላከል በድፍረት፣ እንደ ግብዓት እንዲጠቀሙበት እና ሌሎችም በዕለት ተዕለት ሕይወታቸው ውስጥ ለማህበረሰቡ ያላቸውን ድጋፍ ለማሳየት የሚያነሳሳ እንደሚሆንም ተስፋችን ነው። ይህም ደህንነትን፣ መከባበርን እና እኩልነትን ለማስፈን የመጀመሪያው እርምጃ፣ አልፎም ሁሉን አቀፍ ህብረተሰብ ለመፍጠር የምናደርገውን ተመሳሳይ፣ ረጅም እና ጠመዝማዛ መንገድ እንደሚሆንም እናምናለን።